Konselhu Di Adiministradoris

Ronald é atualmenti Diretor di Prugramas di Adulisenti di Muzeu di Belas Artis di Boston, na ánbitu di Divizon di Aprendizaji y Dizenvolvimentu di Kumunidadi. Antis di faze parti di muzeu, Ronald foi Diretor di Kumunidadi y Involvimentu di Menbrus na Sentru pa Adulesenti Mattapan di "Boys & Girls Clubs" di Boston. Nes funson ki dka ura ki kriadu, el é lidera isforsu di klubi pa istabelesi, kultiva y manti rilasionamentu ku partis interesadu di kumunidadi y organizason lokal y sirvisu asosiadu y ses famílias. Antis di dedika pa dizenvolvimentu di komunidadi, Ronald foi diretor funadador di Sentru Juvenil Mattapan, undi el lidera dizenvolvimentu y inplimentason di prugrama pa adulisenti. Duranti se mandatu na Boys & Girls Clubs di Boston, el okupa txeu kargus di lideransa na organizason, inkluindu di Diretor Fundador di Prugrama di Líderis en Formason na Camp Harbor View y Diretor di Adolesenti na Yawkey Boys & Girls Club di Roxbury. Ronald ten un Lisensiatura na Studus Afro-Merkanu ku un "Minor" na Siénsia Pulítika na Universidadi Howard na Washington DC. El ta mora na Boston ku se mudjer y dôs fidju.

Ayanna Cundiff é Jistora di Operason di Rikursus Umanus na Rogerson Communities. Komu profisional di RH sertifikadu, é paxon di Ayanna faze inpaktu na vida di pesoas na torna lugar undi ki es ta pasa maior parti di ses ténpu, trabadju, agradável y gratifikanti.

Inbora el nansi y el kriadu na Roxbury, MA, Ayanna bai skóla na Skólas Públiku di Lexington através fi prugrama METCO. El sigi se studus na faze Lisensiatura na Universidadi MCPHS "Massachusetts College of Pharmacy and Health Sciences" Dipôs el faze graduason na "summa cum laude" na universidadi "Cambridge College" ku se Mestradu na Adiministrason di Inpreza. Ayanna ten paxon pa aprendizaji y idukason y el ta spera ma el ta kori trás di faze se dotoramentu na futuru.

Na se ténpu livri, Ayanna é un oradora motivasional y mentora di jovens mudjeris ki sta na risku. Na uza se spiriénsia pesoal, insentiva jovens, na isforsa más di kel ki é speradu ku bazi na ses anbienti di idukason. Ayanna sta na prusésu di skrebe un livru ki ta papia sobri se spiriénsia, dizafíu y susésu. El sa spera ma ku partilha di se stória, otus minorias na sentru di sidadi ta xinti inspiradu.

Na kaminhu di tudu si konkista, inspirason y razon di susésu di Ayanna é si fidju, Jason. Jason ta frikuenta Skóla Charter di Roxbury Prep di Skóla Uncommon na Nubian Square (Roxbury Prep High School). Era inportanti pa Ayanna matríkula Jason nun skóla dentu di kumunidadi ki ta pode oferese-l un idukason fokadu na Universidadi y ô mésmu ténpu uza kurikulu pa aborda kiston di vida rial ki Jason ta infrenta komu un ómi Afro-Merkanu ki kria na sentru di sidadi; Roxbury Prep ta konsigi kel-li y mutu más. Spiriénsia di Ayanna ku Roxbury Prep ten sidu nada ménus ki un parseria inkrível. Si nu uni pa nu iduka, motiva y dizenvolvi Jason pa ki el torna midjor indivídu ki el pode da, ka ten dúvida ma Jason ta subi na altura ki nunka ka odjadu. Komu mai soltera, Ayanna dipendi di Roxbury Prep pa djuda-l kria Jason pa ser un Joven ben-susedidu y konpletu; RPHS supera se ispektativa!

Ta bai ser Diretor di Grupu di Prátika Públiku di NEPC undi ki el ta trabadja ku txeu tipu di klienti di fundu públiku pa inplimenta prugrama di invistimentu pirsonalizadu. Ta djuda klientis ki sta na studu di alokason di ativu, piskiza di jistor, avaliason di dizenpenhu y prujetu tékniku. Will sta na inpreza desdi 2011, príudu duranti kual el permanesi komu menbru di Kumité di Alokason di Ativus ( Asset Allocation Committee) djuntu ku Kumité di Jistoris Diversu (Diverse Manager Committee). Antis di trabalha na "Public Practice Group", el trabadja na ikipa di "Public Markets Research" na djuda lidera isforsu di piskiza di jistoris di ason di grandi kapitalizason.

Antis di faze parti di NEPC na 2011, Will trabadha na Brown Brothers Harriman na ses grupu di Operason di Inpréstimu di Títulu. El era risponsável pa prusesamentu di rijistu di transfirénsia diáriu di fundus Brown Brothers Harriman pa klientis, y tanbê análiza y kumunika pagamentus di prujetus y di fundus ki sta pendenti pa direson.

Will konsigi se B.A. na Ikomonia na Universidadi Tufts. El té un Analista Finanseru Sertifikadu (Chartered Financial Analyst FA) y tanbê el é un Analista di Invistimentu Alternativu Sertifikadu (Chartered Alternative Investment Analyst CAIA). El tanbê é menbru di Konselhu di Adiministrason di Skóla Belmont Hill, un instituison fokadu na dizenvolvi jovens rapaz. Will ta mora ku se mudjer y se fidju fémia na Dorchester.

Atualmenti, Sarah é Diretora Jeral di Dipartamentu Akadémiku di UP Education Network, un organizason di rikuperason di skólas ki ta opera dentu di skólas públiku di Boston pa transforma skólas ku un dizenpenhu kronikamenti satisfatóriu na anbientis di aprendizajen isepisional. Antis di es funson, Sarah foi Diretora di Alfabetizason y instruson MLL na UP, undi ki el lidera isforsu pa inplimenta un kuríkulu di alta kualidadi y alinhadu ku normas na skóla di UP.

Na últimus kinzi anus, Sarah dizenpenha txeu funson na skólas charter na ária di Boston, inkluindu insinu di alunus multilingi, inglês di 8º anu y lideransa di dipartamentu y grupu di profesores. Na 2011, el foi menbru fundador di Excel Academy di Skóla Charter Chelsea, undi el djuda kria un skóla di 5ª klasi pa 5º-8º anu, y kel skóla sikundáriu ku maior dizenpenhu na sidadi di Chelsea na 2015.

Komu filha di dôs profesores, idukason senpri dizenpenha un papel sentral na vida di Sarah. Sarah frikuenta Skóla "Francis W. Parker Charter Essential " un di kes priméru skóla públiku charter di Massachusetts ki abri na kaminhu pa aprendizajen baziadu na prujetus na país interu. Abordajen di Parker in rilason ku idukason y kes profesores apaxonadu ku kel abordajen li atrai, tevi un inpaktu profundu na Srah, inspira-l na inxina y es pol na kaminhu pa un karera di vida interu na idukason.

Sarah ten un lisensiatura na Governason y Studus Internasional na Colby College y un mestradu na Idukason na Skóla di Idukason di Harvard (Harvard Graduate School of Education). El ta mora na Boston ku se maridu y se três fidju y el é un mai orgulhoza di Skóla Públiku di Boston.

Franciso Marriott é Visi-Prizidenti di Finansas y Operason di EdVestors, un di ki el risponsável pa funson finanséru di inpreza y el ta superviziona atividadis di rikursus umanus y instalason. Francisco é un izekutivu sénior y inprezáriu ku más di kinzi anu di ispiriénsia na finansas inprezarial, planiamentu y análizi finaséru, konsultoria y jiston. Antis di el faze parti di EdVestors, el foi diretor izekutivu interinu di "infico", un inpreza di konsultoria finanséru ku fazi di aranki spesializadu na rikuperason di dinheru. Antis, Franciso foi diretor di finansas y operason y fundador di PlaceMe, un start-up di co-living ku sedi na Boston. Speriénsia inprezarial ki Francisco tinha antis ta inklui trabadju en funson, akisizon na CVS Health, avaliason di títulu ilíkidu na Wellington Management y ativus inatangível y avaliason di inpreza na EY.

Duranti se karera, Francisco ten stadu involvidu na isforsu y diversidadi y inkluzon na inpreza ki el ten stadu ta trabadja, sima organizason sen fin lukrativu na ária di Boston. El foi menbru di Konselhu Izekutivu di Asosiason de Profisinal Latinus na Merka (Association of Latino Professionals for America ALPFA) di Boston y Visi-Prizidenti di Asuntus di Studanti na ALPFA Boston Chapter, y el é un menbru di direson di Skólas Uncommon Roxbury Prep, un skóla charter di Boston.

Francisco ten un MBA na Finansas na Universidadi di Brandeis, un mestradu na Ikonomia na Universiadi di Boston y un Lisensiatura na Ikonomia y Jiston a ESPOL, na se país natal, Ekuador. Francisco ta mora na Needham ku se mudjer y se dôs fidju, y ses katxor Chewie y Leia.

Richard é un kalifornianu di kuarta jerason ki imigra pa Massachusetts na 1973 pa frikuenta Fakuldadi di Direitu di Boston - y nunka más el ka sai di la. Se intertesi pa skólas públiku di Boston foi priméru stipuladu na 1976 y pa anu ta trabadja komu asistenti di Arthur Garrity, juiz federal ki ordena dizagregason di skólas públiku di Boston. Kel interesi kumesa otu bes na 2009, kuandu el partisipa na un jantar "Prep For Success" na Roxbury Prep. Desdi la, Richard, sirbi Konselhu Roxbury Prep pa txeu mandatus, inkluindu un ténpu komu visi-prizidenti.

Scott Oran é Sosiu Jerenti y Fundador di Dinosaur Capital Partners ku 35 anu di spriénsia na setor imobiliáriu lokal, nasional, y internasional. Fundadu na 2010, Dinosaur Capital Partners kuntrui abitason sustentável, rendimentu mistu, orentadu pa ária di grande Boston.

Anteriormenti, di 2001 pa 2009, Scott ta sirbiba komu Diretor Izekutivu di Morgan Stanley undi el era risposável pa atividadi di invistimentu imobiliáriu na New England y Mid-Atlantic United States inkluindu akizison, planiamentu jeral, y lisensiamentu de 26 akri ki ben fika Boston Seaport. Na inísiu di se karera, di 1991 pa 2000, el era Sósiu y Diretor Rijional de TA Associates Realty, un inpreza di jeston di invistimentu imobiliáriu, un Visi-Prizidenti di Fleet Bank na Boston undi el jiri un portifóliu REO, y Diretor di Akizison pa Unihab, un prumutor imobiliáriu ku sedi na Cambridge. El kumesa se karera na Booz, Allen & Hamilton, un inpreza di konsultoria y jeston.

Scott ten un MBA na Harvard Business School y un Lisensiatura na Siénsia di Injenharia Sivil y Asuntus Urbanu di Skóla de Inginharia y di Skóla di Asuntus Públiku y Internacional di Universidade di Princeton.

Di 2011 pa 2016, el era Diretor y Administrador di Granite REIT, un inpreza di imobiliáriu multinasional di Kanada kotadu na NYSE pa $3 bilion. Di 2011 pa 2020, el era Prizidenti di Konselhu di "Brooke Charter Schools", un redi publiku di skólas di charter na Boston, MA. Atualmenti el é administrador y antigu tizoreru di "Commonwealth Shakespeare Company" un organizason sen fin lukrativu, ki ta aprezenta "Shakespeare on the Boston Common" di grasa tudu veron. Antis el era administrador di "Benjamin Franklin Institute of Technology." Di 2001 ti 20011, el era parti di direson NAIOP Massachusetts, Asosiason di Dizenvolvimentu Imobiliáriu Kumersial.

Scott inxina “Fundamentals of Real Estate Portfolio Management” na Institutu di Dizenvolvimentu Profisional di Sentru MIT pa "Real Estate".

El ta mora na Newton, MA ku se mudjer, Meryl Kessler, y se katxor, Felicity. El ten dôs fidju fêmia adultu. El é paxonadu pa disportu ku korda, tenis, "squash", peska ku moska, y lansa papagaiu, apezar di el ka ser bon na es. Y dipôs di novu anka, anda di bisikileta na kaminhu di feru ku gravilia, sen karu y lonji di veíkulu, si pusível.

Marc é un promotor imobiliáriu y se inpreza Choose Boston dja konstrui txeu prujetu, desdi konduminiu di luxu na "Boston’s South End" ti transforma proriedadis disgastadu na "East Boston" y "Dorchester".

Marc é spesialista na identifikason y avaliason di lokal di dizinvolvimentu, moldaji finanséru, análizi di zoniamentu, lisensiamentu di prujetu, alen di stimativa di kustu di kontruson y jeston di prujetu. El tem un Lisensiatura na konstruson y jeston di na Universidadi Purdue University y atualmenti el sta konpleta un kursu na Prugrama di Finansa Imobiliáriu na Universidadi di Boston. Marc é ko-aprizentador di um "podcast" premiadu ki txoma"Real Estate Addicts" ,un prujetu di paxon ki ta djuda iduka otus na dumíniu di promoson imobiliáriu, ku 250,000 ouvinti.

Marc ta mora na Dorchester y el ta sta ligadu ku kumunidadi. El ta trabadja komu vuluntáriu na organizason sima "Neighborhood Office of Affordable Housing (NOAH)", undi ki el era Prisidenti di Konselhu di Administrason antis. Marc sirbi komu lider na "SPARK Boston" konselhu izekutivu joven di Prizidenti di Kamara foi risentimenti nomiadu finalista di "SPARK Boston outstanding Alumni". Risentimenti Marc foi nomiadu un di kes topi 5 di "Boston Developers" na 2022, el partisipa na painel sinbóliku sobri setor imobiliáriu risentimenti sitadu na WSJ y na "Boston Globe".

Ruven é Visi-Prizidenti di "Morgan Stanley" na Wellesley, MA desdi 2008. Antis di Morgan Stanley, Ruven pasa 14 anu na "Bear Stearns Inc." komu Diretor-Jeral/Prinsipal na divison di sirvisu pa klienti privadu, pa sirbi nisisidadi di Família ku Patrimóniu LÍkidu Ilevadu y Klienti Institusional.

Ruven faze parti di Konselhu di Skóla charter "Roxbury Prep" desdi 2018, y mas risentimenti el seta kargu di Prizidenti di Kuradoris di skóla charter Roxbury Prep. Ruven tanbê ta faze parti di komité Finanséru, Akadémiku y di Lideransa, Governansa y Dizenvolvimentu. Ruven ten afinidadi ku idukason y el é paxonadu pa da kriansas opurtunidadis ku tudu nisisidadi pa pripara y forma na un istituison di ensinu suprior.

Ruven resebe se Lisensiatura na Finansa/Invistimentu, Studu Inprezarial di "Babson College". Atualmente el ta mora na Wellesley, Massachusetts ku se mudjer y três fidju fémia.

Atualmenti Drew é Diretor di Dizinvolvimentu di Negósiu na Mellon Capital Management, fokadu na invistidor institusional na tirseru lesti di Stadus Unidu. Antis di entra na "Mellon Capital Management" na 2016, el trabadja na un puzison igual pa 16 anu na Grantham, Mayo, Van Otterloo, y 7 anu na John Hancock Advisors. Drew trabadja komu bankeru di invistimentu pa 10 anu na Nova Yorki y Boston dipôs di ganha se MBA na Universidadi di Virginia na 1983. Tanbê el konsigi se Lisensiatura na Ikonomia na "Trinity College". Atualmenti el é konselheru di LandSake Farm na Weston, MA, vuluntáriu di Community Servings na Dorchester, MA y antigu xefi di skuteru na "Boy Scouts of America". El é un menbru di longa data nomiadu di grupu di trabadju ki sta investiga opurtunidadis pa revivi adekuadamenti Josiah Smith Tavern na Weston.

Drew ten dôs fidju adultu y el ta mora ku se mudjer na Weson, MA.

Contact Board of Trustees

Pa kontata Prizidenti di Roxbury Prep’s Board, pur favor manda imai pa Ruven Rodriguez na rrodriguez@roxburyprep.org .